|
| 經過一輪o既工作, iso audit 終於pass 左, 叫做可以鬆一口氣, 但audit 完又開始作病...真係要好好休息下。 呢一排都比較夜先瞓, 沉晚叫做早d, 11點就上左床瞓覺, 好舒服, 但今朝唔知做咩5點幾就醒左, 6點幾又瞓返, 一瞓又瞓到8點鐘, 差d 又唔知醒...真係要諗諗呢一種生活o岩唔o岩自己!! 最近賣左部陪我渡過左差唔多兩年時間o既相機...賣完有d 後悔...haha!! | | |
| 同年幾兩年前比, 呢排真係少左同一大班朋友一齊出去影相...可能大家都工作繁忙, 我自己都係, 另外亦都冇一d 特別的題材吸引到自己去影!! 又可能自己對攝影的熱情已經冷卻落黎! 希望可以有d 新o既衝擊, 買新機新鏡會唔會係其中一個方法呢? 呢排工作十分繁忙, 要應付iso audit, 已經兩個星期冇放過假, 仲要晚晚都做到8點幾9點先走...快d 可以完成就好喇! 4月又會去日本, 今次會去12日, 好長呀! 正!!! 一考完iso 即刻要請假, 我諗老細應該唔會托手"爭"呱...!!! 期待中... ... | | |
| 又成個月冇寫過xanga...今個月最值得講o既應該係我二家姐個BB終於o係12月8號出左世...我做左人地舅父! HAHA! 
原來新生命o既到臨, 真係可以為人帶黎好多歡欣快樂!! BB 好得意, 真係好想搣下佢塊面...但又唔得...HEHE! 可惜我家姐生完BB之後傷口發炎, 情緒同體力都唔係咁好...又要通宵照顧BB, 所以真係好辛苦...好彩呢幾日傷口開始好返, BB 又冇咁扭計, 佢先至叫舒服返D!!! 原來做媽媽真係好偉大! 呢個月公司好多野做, 主要又係做ISO...真係好煩! 一月就要認證...都唔知點死好, 希望其他同事可以幫幫手啦!! 感情方面都係毫無進展...仲有4日就Christmas喇! 睇黎今年都係個lonely Christmas!!... 今年想買份禮物送俾個識左好耐o既朋友...聽日去買先!!! 唔知佢收倒會唔會好開心呢!? | | |
| 呢幾日天氣凍左, 開始感覺倒冬天真係黎喇。 唔經唔覺, 我由盛夏入到黎呢間公司, 到宜家初冬...咁快就三個月! 好多野都好似開始揣摩到要點做, 但亦都係因為呢個原因，壓力都相對大左...對然要講壓力, 我o係office 裡面一定唔係最大果個, 但老細受壓, 我地都唔會太好受...所以真係要努力同小心d 做野, 希望可以幫輕下老細o既工作啦!! 天氣開始凍...好想有個人可以o係身邊... | | |
| 同人影畢業相, 原來係一件好開心o既事... 以前同朋友都影過好幾次畢業相, 但今次得到o既反應俾倒我好多滿足感...其實今次幫個朋友影畢業相都係仗義相助, 冇咩點諗過會點影, 只係想為朋友留低一d 美好o既回憶, 呢個亦係我影相o既其中一個目的... 每次見倒收相朋友o既喜悅之情, 我自己都會滿心滿足, 因為我知道我自己所付出o既時間同精神冇白費, 得到人o既認同!!! 希望將來繼續有呢個機會, 幫人記錄低一d 美好o既時光... | | |
|
